உழவா!!
மண்ணிலே நீயும் நீரும்
மனிதனின் பசியும் ஆரும்!
சேற்றிலே உங்கள் கால்கள்
சோற்றிலே எங்கள் கைகள்!
உன் கண்ணிலே நீரும் வடியும்-அதைத்
துடைக்க மண்ணிலே பயிரும் விளையும்!
பயிர் விதைகளை நீயும் விதைத்தாய்
உயிர் வதைகளை நீயே தடுத்தாய்!
வீண் களைகளை நீயும் களைந்தாய்..
உன் கவலைகளை நீயே மறந்தாய்!!
பயிரின் மீது உனக்கோ காதல்- எங்கள்
உயிருக்கு நீயே காவல்!
உனக்குள் பல வேதனை-முறியடித்து
புரிவாய் பல சாதனை!
உளையில் இறங்கி உழைத்தாய் உழவா!
உணவை நீயே விளைத்தாய் உழவா!!
உழவன் இல்லையேல் உலகம் இல்லை..
உலகிற்கு அது புரியவில்லை...
வணங்குகிறேன் உழவா ....
அனைவரும் உழ வா!!!!!
