அமைதி ஒரு வெறுங்காகிதம்
எந்த எழுத்தாளனும்
கதை எழுதலாம்
அமைதி ஒரு வெள்ளைச்சீட்டு
எந்த ஓவியனும்
வண்ணம் தீட்டலாம்
அமைதி ஒரு சுத்தமான பாத்திரம்
அதில் திரவியங்கள்
பல ஊற்றலாம்
அமைதியே ஒலியின் பிறப்பிடம்
அமைதியில்லையெனில்
புது ஒலி கேட்காது
அமைதியே இல்லாமையின் குறி
அமைதியே இறப்பு
வாழ்வின் முடிவே அமைதி
அமைதியே பணிவு
நிறைகுடம் சத்தம் போடாது
அமைதியே வெறுமை
வெறுமையில்லையேல்
முழுமை கிடையாது
அமைதியே உண்மை
சத்தங்கள் கூறும் பொய்களிடமிருந்து
நம்மைக் காப்பாற்றும் உண்மை
இந்த உலகமே
அமைதிக்கடலில்
பட்டுத்தெறித்த
ஒரு பெரு ஒலி
அமைதியே அமைதி
அமைதியே நிம்மதி
அமைதி அமைதி
அமைதியோ அமைதி
